តម្លៃនៃជីវិត
តម្លៃនៃជីវិត
យើងតែតែងអោយតម្លៃមនុស្សម្នាក់ៗទៅលើត្រកូលពូជពង្សរបស់គេជាជាងការអោយតម្លៃទៅលើ់ការងាររបស់ជននោះ។
អ្នកដែលមានសំណាងបានកើតមកក្នុងត្រកូលអ្នកមានកេត្តិយស មានទ្រព្យសម្បត្តិ
តែតែងជាអ្នកមានប្រយោជន៍ធំសម្រាប់សង្គម នេះគឺជាការគិតរបស់មនុស្សមួយចំនួន។
ដោយឡែកក៏មានក្រុមមនុស្សខ្លះ បែកជាយល់ថា កាលដែលកើតមកក្នុងត្រកូលមានកេត្តិយស មានទ្រព្យសម្បត្តិខ្លះ
ក៏មិនមានប្រយោជន៍សម្រាប់សង្គមដែរ។ ចំពោះខ្ញុំ អស់រយៈពេលជាច្រើនឆ្នាំ
ដែលខ្ញុំបានរស់នៅក្នុងសង្គមមួយ និងដកយកបទពិសោធន៍ ហើយបានស្វែងយល់ ក្នុងពេលដែលរស់នៅ
ទល់មកដល់សព្វថ្ងៃនេះ បានបង្ហើញអោយឃើញថា វាពិតជាមានការយល់ឃើញដូច្នោះមែន។
តើមួយណាដែលពិតប្រាដកសម្រាប់ខ្ញុំ នេះជាសំនួរដែលខ្ញុំចោទសួរចំពោះខ្លួនឯង។
ហើយអ្វីដែលខ្ញុំរកឃើញនេះគឺ
វាមិនពិតទាំងស្រុកទេចំពោះមនុស្សដែលមានសំណាងកើតក្នុងត្រកូលអ្នកខ្ពង់ខ្ពស់។
តើមានមូលហេតុណ៍អ្វី? មានពាក្យមួយបាននិយាយថា វត្ថុមានតម្លៃទៅបាន លុះត្រាតែវត្ថុនោះ
ជាវត្ថុកម្រនឹងរក និងមនុស្សច្រើនជាច្រើន មិនមាន ហើយនឹងមិនអាចធ្វើបាន ចំណែកមនុស្សក៏ដូចគ្នានោះដែរ
ចូលធ្វើខ្លួនជាមនុស្សកម្រសម្រាប់សង្គមជាតិរបស់ខ្លួន។ ពាក្យនេះពិតជាត្រឹមត្រូវណាស់សម្រាប់ខ្ញុំ
ដោយសារការធ្វើជាមនុស្សកម្រគឺពិបាកធ្វើបំផុត។
មនុស្សគ្រប់គ្នាតែងតែគិតពីប្រយោជន៍ច្រើន
មានអ្នកខ្លះប្រព្រឹត្តធ្វើអំពើអាក្រក់ផ្សេងៗ ដើម្បីដូរយកនៅប្រយោជន៍នោះ។
តើអាចមានទេដែលមនុស្សភាគច្រើនទាំងនោះអាចប្តូរនូវការលោភលន់របស់ខ្លួន មកបែរប្រែគិតប្រយោជន៍រួម
ដើម្បីរស់នៅទាំង អស់គ្នា ផ្លាស់ប្តូរពីការគិតប្រយោជន៍ខ្លួនឯងខ្លាំងពេក?
ប្រហែលជាមិនសូវមានទេ? ដូច្នេះហើយអ្នកដែលមិនលោភលន់
ចេះកំរិកចិត្តរបស់ខ្លួនក្នុងការប្រាថ្នា ចេះធ្វើប្រយោជន៍សម្រាប់សង្គម
និងប្រទេសជាតិ គឺជាមនុស្សកម្រ។ តើមានអ្វីជាភស្តុតាងសម្រាប់បញ្ជាក់ ? ភស្តុតាងនោះគឺ
អ្នកដែលធ្វើប្រយោជន៍សង្គមបានច្រើនគឺតែងតែមានអ្នករាប់អានច្រើន ហើយក្នុងលក្ខខ័ណ្ឌដែលមានការពិបាកអ្វីមួយតែងតែមានមនុស្សជាច្រើនសម្រាប់ជួយខ្នះ
ខ្នែង យកអាសារបុគ្គលនោះជានិច្ច និងនៅក្នុងកាលៈទេសៈដទៃផ្សេងទៀតផងដែរ។ មនុស្សគ្រប់គ្នាតែមានសេចក្តីស្លាប់នៅខាងចុងនៃជីវិតគ្មានបុគ្គលណាមួយអាចមានជីវិតអមតៈរហូតនោះទេ។
ចំពោះអ្នកដែលបានធ្វើប្រយោជន៍ក្នុងសង្គមបានច្រើន នៅពេលដែលបុគ្គលនោះស្លាប់ទៅ
សកម្មភាព ស្នាដៃ នឹងសេចក្តីល្អ គឺគុណធម៌របស់គាត់នៅតែដិតដាមជាប់ជានិច្ច
មនុស្សជាច្រើនដែលបានស្គាល់តម្លៃនោះបាន ចាត់ទុកបុគ្គលនោះជាបុគ្គលគំរូសម្រាប់ជាតិ
មាតុភូមិ ទោះជាបុគ្គលនោះបានស្លាប់ទៅក៏ ដោយក៏នៅតែធ្វើបុណ្យឩទ្ទិសអោយរហូត។
ចុះចំណែកឯបុគ្គលផ្សេងទៀត តើនឹងទទួលការធ្វើដូច្នេះដែរចេញពីចិត្តមនុស្សផងដទៃបានដែរឬទេ?
ពិតជាមិនអាចទេ ! ទាំងអស់នេះគឺសបញ្ជាក់អោយយើងគ្រប់គ្នាឃើញថា គុណតម្លៃរបស់មនុស្សមិនស្ថិតនៅត្រង់វង្សត្រកូលនោះឡើយ
អ្វីទាំងអស់នេះវាបានមក ពីការខំប្រឹងប្រែង កសាងវាដោយខ្លួនឯងតែប៉ុណ្ណោះ។
ចូរនាំគ្នាធ្វើសេចក្តីល្អអោយបានច្រើនសម្រាប់ខ្លួនឯង
គ្រួសារនឹង សង្គមជាតិរបស់យើង នោះយើងទើបឈ្មោះថា ជាបុគ្គលកម្រ
សម្រាប់ជនានុជនច្រើនគ្នា។
ឩទ្ទិសជូនមិត្តរបស់យើងដែលគាត់បានទទួលមរណៈភាព
សូមកុសលផលបុណ្យ ជួយយិតយោងដួងវិញ្ញាណៈខន្ធរបស់គាត់អោយបានទៅកើតក្នុង សុគតិភព
ដោយសេចក្តី នឹករលឹង នឹងការស្រលាញ់ពីមិត្តរបស់អ្នក!
